کوئی رہزن نہ اب راہبر چاہئے

کوئی رہزن نہ اب راہبر چاہئے

اس سفر میں ہمیں ہم سفر چاہئے

دشمنوں کو تو تم جانتے ہو مگر

دوستوں کی بھی تھوڑی خبر چاہئے

خوب صورت ہے دنیا بہت دوستو

دیکھنے کے لئے بس نظر چاہئے

لوگ سن لیں گے اور مان بھی جائیں گے

بات میں اپنی لیکن اثر چاہئے

ہم پڑوسی سے اپنے رہے بے خبر

ساری دنیا کی ہم کو خبر چاہئے

روشنی آنکھ بھر چھاؤں بس ہاتھ بھر

اور ہوا بس ہمیں سانس بھر چاہئے

ہے ٹھکانہ ہر اک دل میں آغازؔ کا

ان کے رہنے کو بس ایک گھر چاہئے

koi rahzan na ab rahbar chahiye

is safar mein hamen ham safar chahiye

dushmanon ko to tum jante ho magar

doston ki bhi thori khabar chahiye

khub surat hai duniya bahut dosto

dekhne ke liye bas nazar chahiye

log sun lenge aur man bhi jaenge

bat main apni lekin asar chahiye

ham parosi se apne rahe be khabar

sari duniya ki ham ko khabar chahiye

raushni ankh bhar chhaon bas hath bhar

aur hua bas hamen sans bhar chahiye

hai thikana har ik dil mein aghaz ka

un ke rahne ko bas ek ghar chahiye