اونچا اڑنے کا بھی ارمان ابھی باقی ہے

اونچا اڑنے کا بھی ارمان ابھی باقی ہے

پر تو کاٹے گئے پر جان ابھی باقی ہے

حادثوں سے ابھی ٹوٹا نہیں رشتہ میرا

دل میں اٹھتا ہے جو طوفان ابھی باقی ہے

تم جو کہتے ہو کہ دنیا کو خریدو گے مگر

بک نہیں سکتا جو انسان ابھی باقی ہے

ہٹ سکے کیسے برائی کہ اسی دنیا میں

شر ابھی زندہ ہے شیطان ابھی باقی ہے

یوں تو پہچان چکا سارے جہاں کو آغازؔ

خود سے لیکن مری پہچان ابھی باقی ہے

uncha urne ka bhi arman abhi baqi hai

par to kate gae par jan abhi baqi hai

hadson se abhi tuta nahin rishta mera

dil mein uthta hai jo tufan abhi baqi hai

tum jo kahte ho ke duniya ko kharidoge magar

bik nahin sakta jo insan abhi baqi hai

hat sake kaise burai ke isi duniya mein

shar abhi zinda hai shaitan abhi baqi hai

yun to pahchan chuka sare jahan ko aghaz

khud se lekin miri pahchan abhi baqi hai