کوئی ہے تیر تو کوئی کمان جیسا ہے

کوئی ہے تیر تو کوئی کمان جیسا ہے

یہاں یقین بھی سب کا گمان جیسا ہے

یہاں پہ آ کے ہمیشہ سکوں ملا ہم کو

تمہارا گھر بھی ہمارے مکان جیسا ہے

کمال ہے کہ کسی سے وہ کچھ نہیں کہتا

زبان ہو کے بھی وہ بے زبان جیسا ہے

قدم قدم پہ نیا اک سوال ہے یارو

یہ زندگی کا سفر امتحان جیسا ہے

ہمارے سر پہ کھلا آسمان رہنے دو

ہمارے واسطے یہ سائبان جیسا ہے

koi hai tir to koi kaman jaisa hai

yahan yaqin bhi sab ka guman jaisa hai

yahan pe a ke hamesha sukun mila ham ko

tumhara ghar bhi hamare makan jaisa hai

kamal hai ke kisi se wo kuchh nahin kahta

zaban ho ke bhi wo be zaban jaisa hai

qadam qadam pe naya ik sawal hai yaro

ye zindagi ka safar imtihan jaisa hai

hamare sar pe khula asman rahne do

hamare waste ye saiban jaisa hai