بجھی بجھی سی نظر میں قرار کس کا ہے

بجھی بجھی سی نظر میں قرار کس کا ہے

ہمیں بتا دو تمہیں انتظار کس کا ہے

بہت عزیز ہیں تم کو مگر ذرا سوچو

وہ جان من ہے تو جان بہار کس کا ہے

سنا ہے ہم نے وہ دشمن ہمیں سمجھتا ہے

اگر یہ سچ ہے تو یارو وہ یار کس کا ہے

وہ ہر کسی کو ہی شک کی نظر سے تکتا ہے

پتا کرو کہ اسے اعتبار کس کا ہے

ابھی تو اس نے قدم ہی رکھا ہے محفل میں

نظر نظر میں ابھی سے خمار کس کا ہے

لہولہان سڑک سے چلو ذرا پوچھیں

کٹے سروں میں ابھی تک شمار کس کا ہے

جلے گھروں میں بھی ہم تو سہی سلامت تھے

بتاؤ ہم پہ ابھی اختیار کس کا ہے

ہمیں پتا ہے زمانہ تمہارا ہے لیکن

تمہیں پتا ہے وہ پروردگار کس کا ہے

bujhi bujhi si nazar mein qarar kis ka hai

hamen bata do tumhen intizar kis ka hai

bahut aziz hain tum ko magar zara socho

wo jan-e-man hai to jan-e-bahar kis ka hai

suna hai ham ne wo dushman hamen samajhta hai

agar ye sach hai to yaro wo yar kis ka hai

wo har kisi ko hi shak ki nazar se takta hai

pata karo ke use etibar kis ka hai

abhi to us ne qadam hi rakha hai mahfil mein

nazar nazar mein abhi se khumar kis ka hai

lahuluhan sarak se chalo zara puchhen

kate saron mein abhi tak shumar kis ka hai

jale gharon mein bhi ham to sahi salamat the

batao ham pe abhi ikhtiyar kis ka hai

hamen pata hai zamana tumhara hai lekin

tumhen pata hai wo parwardigar kis ka hai