تازہ بہ تازہ صبح کے اخبار کی طرح

تازہ بہ تازہ صبح کے اخبار کی طرح

بیچا گیا میں آج بھی ہر بار کی طرح

قاتل ہے میری جان کا دشمن ہے وہ مگر

ملتا ہے مجھ سے جو کسی غم خوار کی طرح

اک شے کہ جس کا نام ہے احساس ذہن میں

پیہم کھٹکتا رہتا ہے اک خار کی طرح

میں اپنی بے گناہی پہ خود اپنے آپ میں

رہتا ہوں شرمسار گنہ گار کی طرح

کرتے ہیں بات بات میں جذبوں کا مول تول

کرتے ہیں لوگ پیار بھی بیوپار کی طرح

چاہت بھی ان کی ہوتی ہے نفرت لئے ہوئے

اقرار بھی وہ کرتے ہیں انکار کی طرح

آغازؔ ہر زبان پہ ہر ایک بزم میں

ہے اس کا تذکرہ مرے اشعار کی طرح

taza ba taza subh ke akhbar ki tarah

becha gaya main aj bhi har bar ki tarah

qatil hai meri jan ka dushman hai wo magar

milta hai mujh se jo kisi gham khwar ki tarah

ik shai ke jis ka nam hai ehsas-e-zehn mein

paiham khatakta rahta hai ik khar ki tarah

main apni be gunahi pe khud apne ap mein

rahta hun sharmsar gunah gar ki tarah

karte hain bat bat mein jazbon ka mol tol

karte hain log pyar bhi byopar ki tarah

chahat bhi un ki hoti hai nafrat liye hue

iqrar bhi wo karte hain inkar ki tarah

aghaz har zaban pe har ek bazm mein

hai us ka tazkira mire ashar ki tarah