لگا کہ جیسے کسی کانپتے ہرن کو چھوا

لگا کہ جیسے کسی کانپتے ہرن کو چھوا

ہمارے ہاتھوں نے جب پھول سے بدن کو چھوا

تمام جسم میں آسودگی سی پھیل گئی

ترے دہن نے کبھی جب مرے دہن کو چھوا

سمٹ کے آ گئی کاغذ پہ صورت اشعار

ہماری فکر نے جب بھی کسی گھٹن کو چھوا

کئی مقام پہ دونوں ملے ضرور مگر

کشن نے رادھا کو رادھا نے کب کشن کو چھوا

لپٹ کے پہنچا میں جب نیکیوں کی خوشبو میں

لحد کی مٹی نے ڈرتے ہوئے کفن کو چھوا

کبھی نہ ہو سکی اظہار عشق کی جرأت

یہ اور بات کئی صورتوں نے من کو چھوا

ہم اپنی جان بھی کر دیں گے فیضؔ اس پہ نثار

اگر کسی نے کبھی عظمت وطن کو چھوا

laga ke jaise kisi kanpte hiran ko chhua

hamare hathon ne jab phul se badan ko chhua

tamam jism mein asudgi si phail gai

tire dahan ne kabhi jab mire dahan ko chhua

simat ke a gai kaghaz pe surat-e-ashar

hamari fikr ne jab bhi kisi ghutan ko chhua

kai maqam pe donon mile zarur magar

kushan ne radha ko radha ne kab kushan ko chhua

lipat ke pahuncha mein jab nekiyon ki khushbu mein

lahad ki mitti ne darte hue kafan ko chhua

kabhi na ho saki izhar-e-ishq ki jurat

ye aur bat kai suraton ne man ko chhua

ham apni jan bhi kar denge faiz us pe nisar

agar kisi ne kabhi azmat watan ko chhua