جو فن سے فکر کی تدبیر گفتگو کرے گی

جو فن سے فکر کی تدبیر گفتگو کرے گی

تو گونگی بہری بھی تصویر گفتگو کرے گی

میں جیتے جی اسے ایسا ہنر سکھا دوں گا

کہ میرے بعد یہ تحریر گفتگو کرے گی

عدالتوں میں گواہی ہمیں ملے نہ ملے

ہمارے پاؤں کی زنجیر گفتگو کرے گی

اسی امید پہ آنکھوں کے خواب زندہ ہیں

کہ ایک دن کوی تعبیر گفتگو کرے گی

پگھل ہی جائے گا وہ سنگ دل کسی دن جب

مرے زبان کی تاثیر گفتگو کرے گی

بدن سے کر کے بدن کی سماعتوں کو دور

یہ سانس روح سے آخیر گفتگو کرے گی

jo fan se fikr ki tadbir guftugu karegi

tu gungi bahri bhi taswir guftugu karegi

main jite ji use aisa hunar sikha dunga

ke mere baad ye tahrir guftugu karegi

adalaton mein gawahi hamen mile na mile

hamare paon ki zanjir guftugu karegi

isi umid pe ankhon ke khwab zinda hain

ke ek din kawi taabir guftugu karegi

pighal hi jaega wo sang dil kisi din jab

mire zaban ki tasir guftugu karegi

badan se kar ke badan ki samaaton ko dur

ye sans ruh se akhir guftugu karegi