کسی کا سایا نہ آنچل ہمارے ساتھ ہوا

کسی کا سایا نہ آنچل ہمارے ساتھ ہوا

تمہارے بعد بہت چھل ہمارے ساتھ ہوا

ہمارے سائے سے جس کو شدید نفرت تھی

وہ شخص آ کے مکمل ہمارے ساتھ ہوا

ہمیشہ اپنی محبت کے ہاتھوں قتل ہوئے

یہ حادثہ بھی مسلسل ہمارے ساتھ ہوا

نکل نہ پائے محبت ترے حصار سے ہم

ہمارا عشق بھی پیدل ہمارے ساتھ ہوا

اسے بھی دیکھ لیا تھا ہوائے وحشت نے

وہ اک چراغ جو پاگل ہمارے ساتھ ہوا

دوبارہ ترک تعلق پہ مشورہ کریں گے

جو پہلا عشق کسی پل ہمارے ساتھ ہوا

kisi ka saya na anchal hamare sath hua

tumhare baad bahut chhal hamare sath hua

hamare sae se jis ko shadid nafrat thi

wo shakhs a ke mukammal hamare sath hua

hamesha apni mohabbat ke hathon qatl hue

ye hadisa bhi musalsal hamare sath hua

nikal na pae mohabbat tire hisar se ham

hamara ishq bhi paidal hamare sath hua

use bhi dekh liya tha hawa-e-wahshat ne

wo ik charagh jo pagal hamare sath hua

dobara tark-e-taalluq pe mashwara karenge

jo pahla ishq kisi pal hamare sath hua