صراحی مضمحل ہے مے کا پیالہ تھک چکا ہے

صراحی مضمحل ہے مے کا پیالہ تھک چکا ہے

در ساقی پہ ہر اک آنے والا تھک چکا ہے

اندھیرو آؤ آ کر تم ہی کچھ آرام دے دو

کہ چلتے چلتے بیچارہ اجالا تھک چکا ہے

عداوت کی دراریں ویسی کی ویسی ہیں اب تک

وہ بھرتے بھرتے الفت کا مسالہ تھک چکا ہے

مجھے لوٹا ضرورت کی یہاں ہر کمپنی نے

مسلسل کرتے کرتے دل کفالت تھک چکا ہے

سخن میں کچھ نئے مجموعہ لے کر آئیے آپ

پرانی شاعری سے ہر رسالہ تھک چکا ہے

بتا اے فیضؔ آخر گاؤں جا کر کیا کرے گا

تو جس کے نام کی جپتا تھا مالا تھک چکا ہے

surahi muzmahil hai mai ka pyala thak chuka hai

dar saqi pe har ik ane wala thak chuka hai

andhero ao a kar tum hi kuchh aram de do

ke chalte chalte bechara ujala thak chuka hai

adawat ki dararen waisi ki waisi hain ab tak

wo bharte bharte ulfat ka masala thak chuka hai

mujhe lauta zarurat ki yahan har kampani ne

musalsal karte karte dil kifalat thak chuka hai

sukhan mein kuchh nae majmua le kar aiye ap

purani shayari se har risala thak chuka hai

bata ai faiz akhir gaon ja kar kya karega

tu jis ke nam ki japta tha mala thak chuka hai