جتن سے رکھ ہمیں جب تک کہ با حیات ہیں ہم

جتن سے رکھ ہمیں جب تک کہ با حیات ہیں ہم

ترے بدن کی ریاست کے کاغذات ہیں ہم

ہمیں خریدا تھا سونے کے بھاؤ میں جس نے

اب اس کی نظروں میں پیتل کے زیورات ہیں ہم

تعلقات کا نشہ اتر چکا ہے مگر

ابھی بھی لگتا ہے ہم کو تمہارے ساتھ ہیں ہم

جسے سمجھ کے تجھے عشق کا ہنر آیا

اسی کتاب محبت کی لفظیات ہیں ہم

اسی نے رکھا ہے بے لطف حاشیے پہ ہمیں

وہ جس قبیلے کی اصلی ضروریات ہیں ہم

ہمیں فضول اداروں پہ خرچ مت کرنا

محبتوں کے سفر سے ملی زکوٰۃ ہیں ہم

jatan se rakh hamen jab tak ke ba hayat hain ham

tire badan ki riyasat ke kaghazat hain ham

hamen kharida tha sone ke bhao mein jis ne

ab us ki nazron mein pital ke zewarat hain ham

taalluqat ka nasha utar chuka hai magar

abhi bhi lagta hai ham ko tumhare sath hain ham

jise samajh ke tujhe ishq ka hunar aya

isi kitab-e-mohabbat ki lafziyat hain ham

usi ne rakha hai be lutf hashiye pe hamen

wo jis qabile ki asli zururiyyat hain ham

hamen fuzul idaron pe kharch mat karna

mohabbaton ke safar se mili zakwat hain ham