نہ جانے کس کے سہارے بدن سے لگ گیا ہے

نہ جانے کس کے سہارے بدن سے لگ گیا ہے

تمہارا روگ ہمارے بدن سے لگ گیا ہے

اداسیوں کا جو کیڑا تھا ذہن تک محدود

ذرا سی چوک سے سارے بدن سے لگ گیا ہے

ہمیں بھی ملنے لگی احتیاط کی خوراک

مرض مٹھاس کا سارے بدن سے لگ گیا ہے

جگہ جگہ پہ خراشوں کی فصل اگ آئی

دکھوں کا دیو بے چارے بدن سے لگ گیا ہے

وہ خواب جس کی ہوئی پرورش مرے ہاتھوں

وہ دوسروں کے کنوارے بدن سے لگ گیا ہے

پہن کے گھوم رہے ہو اداسیوں کا لباس

یہ کون ہے جو تمہارے بدن سے لگ گیا ہے

na jane kis ke sahare badan se lag gaya hai

tumhara rog hamare badan se lag gaya hai

udasiyon ka jo kira tha zehn tak mahdud

zara si chok se sare badan se lag gaya hai

hamen bhi milne lagi ehtiyat ki khurak

maraz mithas ka sare badan se lag gaya hai

jagah jagah pe kharashon ki fasl ug ai

dukhon ka dew-e-be chare badan se lag gaya hai

wo khwab jis ki hui parwarish mire hathon

wo dusron ke kunware badan se lag gaya hai

pahan ke ghum rahe ho udasiyon ka libas

ye kaun hai jo tumhare badan se lag gaya hai