نیا ادب نئے آداب کون دیکھے گا

نیا ادب نئے آداب کون دیکھے گا

ہمارا حلقۂ احباب کون دیکھے گا

میں اس خیال سے دو چار ہوں کئی دن سے

تمہارے بعد مرے خواب کون دیکھے گا

تمہارے ہاتھوں پروسا گیا محبت سے

وہ جام جم ہے کہ تیزاب کون دیکھے گا

تمہارے بننے کی سب لوگ داد دیں گے مگر

مرے بگڑنے کے اسباب کون دیکھے گا

یہاں سبھی ہیں ترے جھیل سے بدن کے مرید

ہماری روح کا تالاب کون دیکھے گا

مسرتوں کے چراغوں میں نور ہے جب تک

کسی اداسی کا محراب کون دیکھے گا

naya adab nae adab-e-kaun dekhega

hamara halqa-e-ahbab kaun dekhega

main is khayal se do char hun kai din se

tumhare baad mire khwab kaun dekhega

tumhare hathon parosa gaya mohabbat se

wo jam-e-jam hai ke tezab kaun dekhega

tumhare banne ki sab log dad denge magar

mire bigarne ke asbab kaun dekhega

yahan sabhi hain tire jhil se badan ke murid

hamari ruh ka talab kaun dekhega

masarraton ke charaghon mein nur hai jab tak

kisi udasi ka mehrab kaun dekhega