لوگ کہتے ہیں بہت ہم نے کمائی دنیا

لوگ کہتے ہیں بہت ہم نے کمائی دنیا

آج تک میری سمجھ میں نہیں آئی دنیا

جب نظر نامۂ اعمال کے دفتر پہ پڑی

نیکیوں پر مجھے ابھری نظر آئی دنیا

ظاہری آنکھوں سے دیکھو تو دکھائی دے پہاڑ

باطنی آنکھوں سے دیکھو تو ہے رائی دنیا

یہ قدم تیرے تعاقب میں چلے ہیں کتنا

یہ بتائے گی مری آبلہ پائی دنیا

جتنے دکھ درد تحائف میں دیئے ہے تو نے

لے کے آئے گی ازل سب کی دوائی دنیا

فیضؔ جو پھرتی ہے خود خانہ بدوشوں کی طرح

کیا کرے گی وہ میری راہ نمائی دنیا

log kahte hain bahut ham ne kamai duniya

aj tak meri samajh mein nahin ai duniya

jab nazar nama-e-aamal ke daftar pe pari

nekiyon par mujhe ubhri nazar ai duniya

zahiri ankhon se dekho to dikhai de pahar

batini ankhon se dekho to hai rai duniya

ye qadam tere taaqub mein chale hain kitna

ye bataegi miri abla pai duniya

jitne dukh dard tahaif mein diye hai tu ne

le ke aegi azal sab ki dawai duniya

faiz jo phirti hai khud khana badoshon ki tarah

kya karegi wo meri rah numai duniya