کوئی نام ہے نہ کوئی نشاں مجھے کیا ہوا

کوئی نام ہے نہ کوئی نشاں مجھے کیا ہوا

میں بکھر گیا ہوں کہاں کہاں مجھے کیا ہوا

کسے ڈھونڈتا ہوں میں اپنے قرب و جوار میں

اے فراق صحبت دوستاں مجھے کیا ہوا

یہ کہاں پڑا ہوں زمیں کے گرد و غبار میں

وہ کہاں گیا مرا آسماں مجھے کیا ہوا

کوئی رات تھی کوئی چاند تھا کئی لوگ تھے

وہ عجب سماں تھا مگر وہاں مجھے کیا ہوا

مرے روبرو مجھے میں دکھائی نہیں دیا

مرے آئنے مرے راز داں مجھے کیا ہوا

koi nam hai na koi nishan mujhe kya hua

main bikhar gaya hun kahan kahan mujhe kya hua

kise dhundta hun main apne qurb-o-jawar mein

ai firaq-e-sohbat-e-dostan mujhe kya hua

ye kahan para hun zamin ke gard-o-ghubar mein

wo kahan gaya mira asman mujhe kya hua

koi rat thi koi chand tha kai log the

wo ajab saman tha magar wahan mujhe kya hua

mire rubaru mujhe main dikhai nahin diya

mire aine mire raz dan mujhe kya hua