اچھا ہے تو نے ان دنوں دیکھا نہیں مجھے

اچھا ہے تو نے ان دنوں دیکھا نہیں مجھے

دنیا نے تیرے کام کا چھوڑا نہیں مجھے

ہاں ٹھیک ہے میں بھولا ہوا ہوں جہان کو

لیکن خیال اپنا بھی ہوتا نہیں مجھے

اب اپنے آنسوؤں پہ ہے سیرابئ حیات

کچھ اور اس فلک پہ بھروسا نہیں مجھے

ہے مہرباں کوئی جو کئے جا رہا ہے کام

ورنہ معاش کا تو سلیقہ نہیں مجھے

اے رہگذار سلسلۂ عشق بے لگام

جانا کہاں ہے تو نے بتایا نہیں مجھے

ہے تو مرا بھی نام سر فہرس جنوں

لیکن ابھی کسی نے پکارا نہیں مجھے

achchha hai tu ne in dinon dekha nahin mujhe

duniya ne tere kam ka chhora nahin mujhe

han thik hai main bhula hua hun jahan ko

lekin khayal apna bhi hota nahin mujhe

ab apne ansuon pe hai sairabi-e-hayat

kuchh aur is falak pe bharosa nahin mujhe

hai mehrban koi jo kiye ja raha hai kam

warna maash ka to saliqa nahin mujhe

ai rahguzar silsila-e-ishq-e-be lagam

jana kahan hai tu ne bataya nahin mujhe

hai to mira bhi nam sar-e-fahras-e-junun

lekin abhi kisi ne pukara nahin mujhe