اس لیے دل برا کیا ہی نہیں

اس لیے دل برا کیا ہی نہیں

زندگی میرا فیصلہ ہی نہیں

اس قدر شور تھا مرے سر میں

اپنی آواز پر رکا ہی نہیں

بڑی خواہش تھی مجھ کو ہونے کی

ہو گیا ہوں تو کچھ ہوا ہی نہیں

ظلم کرتا ہوں ظلم سہتا ہوں

میں کبھی چین سے رہا ہی نہیں

پڑ گیا ہے خدا سے کام مجھے

اور خدا کا کوئی پتہ ہی نہیں

توڑ ڈالو یہ ہاتھ پاؤں مرے

جسم کا تو مقابلہ ہی نہیں

تم کہاں ہو ذرا صدا تو دو

اس سے آگے تو راستہ ہی نہیں

is liye dil bura kiya hi nahin

zindagi mera faisla hi nahin

is qadar shor tha mire sar mein

apni awaz par ruka hi nahin

bari khwahish thi mujh ko hone ki

ho gaya hun to kuchh hua hi nahin

zulm karta hun zulm sahta hun

main kabhi chain se raha hi nahin

par gaya hai khuda se kam mujhe

aur khuda ka koi pata hi nahin

tor dalo ye hath paon mire

jism ka to muqabla hi nahin

tum kahan ho zara sada to do

is se age to rasta hi nahin