دونوں جہاں سے آ گیا کر کے ادھر ادھر کی سیر

دونوں جہاں سے آ گیا کر کے ادھر ادھر کی سیر

پوچھو نہ جا رہا ہوں میں کرنے کو اب کدھر کی سیر

مٹی کی خوبصورتی مٹی میں مل کے دیکھیے

چھوڑیئے اس مکین کو کیجیے اپنے گھر کی سیر

دیکھی نہیں تھی چاک نے اچھی طرح سے دیکھ لی

ویسے بھی دل فریب تھی کوزے پہ کوزہ گر کی سیر

سیب کے پیڑ کے تلے گیند وہ گھومتی ہوئی

پوری کشش سے کھینچ کر کرنے لگی ہے سر کی سیر

ویسے تو کچھ نہیں پتا اتنا پتا ہے باغ ہے

برسوں سے کر رہا ہوں میں جس کے لیے ادھر کی سیر

تیری ہی سیر کے لیے آتا رہوں گا بار بار

تیرا تھا سات دن کا شوق میری ہے عمر بھر کی سیر

پہلی نظر میں کائنات اتنی کھلی کہ جتنی تھی

پھر جو نظر نے سیر کی کرتی رہی خبر کی سیر

donon jahan se a gaya kar ke idhar idhar ki sair

puchho na ja raha hun main karne ko ab kidhar ki sair

mitti ki khubsurati mitti mein mil ke dekhiye

chhoriye is makin ko kijiye apne ghar ki sair

dekhi nahin thi chak ne achchhi tarah se dekh li

waise bhi dil fareb thi kuze pe kuza gar ki sair

seb ke per ke tale gend wo ghumti hui

puri kashish se khinch kar karne lagi hai sar ki sair

waise to kuchh nahin pata itna pata hai bagh hai

barson se kar raha hun main jis ke liye idhar ki sair

teri hi sair ke liye ata rahunga bar bar

tera tha sat din ka shauq meri hai umr bhar ki sair

pahli nazar mein kainat itni khuli ke jitni thi

phir jo nazar ne sair ki karti rahi khabar ki sair