اپنے خلا میں لا کہ یہ تم کو دکھا رہا ہوں میں

اپنے خلا میں لا کہ یہ تم کو دکھا رہا ہوں میں

وہ جو خلا نورد ہیں ان کے لیے خلا ہوں میں

عشق ہوا نہیں مجھے عشق کو ہو گیا ہوں میں

اتنا نہیں بچا ہوا جتنا پڑا ہوا ہوں میں

بن تو گیا ہوں کوزہ گر گھوم کے تیرے چاک پر

جیسا بنا رہا تھا تو ویسا نہیں بنا ہوں میں

مٹی یہاں کی ٹھیک ہے مٹی سے کچھ گلا نہیں

آنکھیں ملا ملا کے بس پانی بدل رہا ہوں میں

بھیس دیے کا دھار کر تیری دعا سنوار کر

بیچ میں طاقچہ ہے اور دونوں طرف کھڑا ہوں میں

روح ملی ہے یا نہیں اتنا میں جانتا نہیں

تیرے سے ایک جسم کو پہلے بھی مل چکا ہوں میں

بارہ بجے کے بعد اک دن کو نکالتے ہوئے

دیکھا تو جا چکا ہوں پر پکڑا نہیں گیا ہوں میں

apne khala mein la ke ye tum ko dikha raha hun main

wo jo khala naward hain un ke liye khala hun main

ishq hua nahin mujhe ishq ko ho gaya hun main

itna nahin bacha hua jitna para hua hun main

ban to gaya hun kuza gar ghum ke tere chak par

jaisa bana raha tha to waisa nahin bana hun main

mitti yahan ki thik hai mitti se kuchh gila nahin

ankhen mila mila ke bas pani badal raha hun main

bhes diye ka dhar kar teri dua sanwar kar

bich mein taqcha hai aur donon taraf khara hun main

ruh mili hai ya nahin itna mein janta nahin

tere se ek jism ko pahle bhi mil chuka hun main

bara baje ke baad ik din ko nikalte hue

dekha to ja chuka hun par pakra nahin gaya hun main