دنیا کی لذتوں سے مفر کر رہا ہوں میں

دنیا کی لذتوں سے مفر کر رہا ہوں میں

بس سادگی سے عمر بسر کر رہا ہوں میں

پلکوں پہ آنسوؤں کو گہر کر رہا ہوں میں

روشن اندھیری رات میں گھر کر رہا ہوں میں

اب اس کی یاد سے کبھی اس کے حبیب کی

آباد اپنے دل کا نگر کر رہا ہوں میں

جب مجھ کو گلستاں کا محافظ بنا دیا

یوں دور اس سے برق و شرر کر رہا ہوں میں

ممکن ہے پھوٹ نکلے کبھی نخل آرزو

سوکھی زمیں کو آب سے تر کر رہا ہوں میں

شاید قبول کر لے کسی دن وہ میری بات

پیدا زباں میں یاسؔ اثر کر رہا ہوں میں

duniya ki lazzaton se mafar kar raha hun main

bas sadgi se umr basar kar raha hun main

palkon pe ansuon ko guhar kar raha hun main

raushan andheri rat mein ghar kar raha hun main

ab us ki yad se kabhi us ke habib ki

abad apne dil ka nagar kar raha hun main

jab mujh ko gulsitan ka muhafiz bana diya

yun dur us se barq-o-sharar kar raha hun main

mumkin hai phut nikle kabhi nakhl-e-arzu

sukhi zamin ko ab se tar kar raha hun main

shayad qubul kar le kisi din wo meri bat

paida zaban mein yas asar kar raha hun main