آنکھیں بجھ جائیں گی شعلہ رہ جائے گا

آنکھیں بجھ جائیں گی شعلہ رہ جائے گا

یعنی جو دیکھا تھا دیکھا رہ جائے گا

اگلی ساعت شعر پورا کر پائے گی

یا یہ مصرعہ میرے جیسا رہ جائے گا

تیرا بوسہ ایسا پیالہ ہے جس میں سے

پانی پینے والا پیاسا رہ جائے گا

دونوں میں سے اس پہ دل کو رکنا ہوگا

لمحوں میں سے جو زیادہ رہ جائے گا

میری آہٹ سن لے جو تو سن سکتا ہے

پھر یہ آنا جانا نغمہ رہ جائے گا

رنگ آخر اڑتے جائیں گے یادوں کے

دل میں باقی ہے جو خاکہ رہ جائے گا

لڑکیاں دو اٹھ نہ پائیں گی لیٹی تو

حسن اپنا حسن چنتا رہ جائے گا

ankhen bujh jaengi shola rah jaega

yaani jo dekha tha dekha rah jaega

agli saat sher pura kar paegi

ya ye misra mere jaisa rah jaega

tera bosa aisa pyala hai jis mein se

pani pine wala pyasa rah jaega

donon mein se us pe dil ko rukna hoga

lamhon mein se jo ziyada rah jaega

meri ahat sun le jo tu sun sakta hai

phir ye ana jana naghma rah jaega

rang akhir urte jaenge yadon ke

dil mein baqi hai jo khaka rah jaega

larkiyan do uth na paengi leti to

husn apna husn chunta rah jaega