سانسوں کی جل ترنگ پر نغمۂ عشق گائے جا

سانسوں کی جل ترنگ پر نغمۂ عشق گائے جا

اے مری جان آرزو تو یوں ہی مسکرائے جا

حسن خرام ناز سے جادو نئے جگائے جا

جب بھی جہاں پڑیں قدم پھول وہیں کھلائے جا

آگ لگا کے ہنس کبھی بن کے گھٹا برس کبھی

بکھرا کے زلف عنبریں ہوش مرے اڑائے جا

برسوں کے بعد آنکھوں میں چھلکی ہے پیار کی شراب

بند نہ کر یہ مے کدے ایسے ہی بس پلائے جا

مستی بھی ہے سماں بھی ہے محفل دلبراں بھی ہے

ایسے میں طرزؔ جھوم کر رنگ غزل جمائے جا

sanson ki jal tarang par naghma-e-ishq gae ja

ai miri jan-e-arzu to yun hi muskurae ja

husn-e-khiram-e-naz se jadu nae jagae ja

jab bhi jahan paren qadam phul wahin khilae ja

ag laga ke hans kabhi ban ke ghata baras kabhi

bikhra ke zulf-e-ambarin hosh mire urae ja

barson ke baad ankhon mein chhalki hai pyar ki sharab

band na kar ye mai kade aise hi bas pilae ja

masti bhi hai saman bhi hai mahfil-e-dilbaran bhi hai

aise mein tarz-e-jhum kar rang-e-ghazal jamae ja