غموں کی بھیڑ نے کچلا ہے مجھ کو شادمانی میں

غموں کی بھیڑ نے کچلا ہے مجھ کو شادمانی میں

لگانا چاہتا تھا تشنگی کی آگ پانی میں

ہر اک شے اڑ گئی میری ہواؤں کی روانی سے

سمٹ کے رہ گئی خواہش وفاؤں کی جوانی میں

ہمیشہ چشم میں رہنا مجھے اچھا نہیں لگتا

میں رہنا چاہتا ہوں اے سمندر تیرے پانی میں

تری بستی کے مجرے سے تری اوقات کیا پوچھوں

گدھے بھی شیر بن جاتے اپنی میزبانی میں

میں پڑھ کر ہوش کھو بیٹھا ترے قصے کو اے فرقت

محبت کا نشہ ہے اس شب غم کی کہانی میں

وہ پیلی اوڑھنی والی ابھی بھی دل میں رہتی ہے

یہ لڑکا کھو گیا ہے اس کے رنگ زعفرانی میں

وہ جس دن فیضؔ آئے گی میری چوکھٹ پہ ملنے کو

اسی دن معجزہ ہوگا مری بھی زندگانی میں

ghamon ki bhir ne kuchla hai mujh ko shadmani mein

lagana chahta tha tishnagi ki ag pani mein

har ik shai ur gai meri hawaon ki rawani se

simat ke rah gai khwahish wafaon ki jawani mein

hamesha chashm mein rahna mujhe achchha nahin lagta

main rahna chahta hun ai samundar tere pani mein

tiri basti ke mujre se tiri auqat kya puchhun

gadhe bhi sher ban jate apni mezbani mein

main parh kar hosh kho baitha tire qisse ko ai furqat

mohabbat ka nasha hai is shab-e-gham ki kahani mein

wo pili orhni wali abhi bhi dil mein rahti hai

ye larka kho gaya hai us ke rang-e-zafrani mein

wo jis din faiz aegi meri chaukhat pe milne ko

usi din mojiza hoga miri bhi zindagani mein