دل میں تجھ کو شمار کر لوں میں

دل میں تجھ کو شمار کر لوں میں

ہو اجازت تو پیار کر لوں میں

اس خزاں کو سمیٹ لو تم تو

موسم خوش گوار کر لوں میں

عشق اگر جرم ہے تو جرم صنم

بے سبب بے شمار کر لوں میں

تم نے وعدہ کیا ہے آنے کا

دو گھڑی انتظار کر لوں میں

ساری دنیا کو جیت لوں پل میں

تجھ پہ گر افتخار کر لوں میں

ہاتھ حاصل سے پھر ملاؤں گا

پہلے دریا تو پار کر لوں میں

کیا ملاقات پھر کبھی ہوگی

یا اسے یادگار کر لوں میں

dil mein tujh ko shumar kar lun main

ho ijazat to pyar kar lun main

is khizan ko samet lo tum to

mausam khush gawar kar lun main

ishq agar jurm hai to jurm sanam

be sabab be shumar kar lun main

tum ne waada kiya hai ane ka

do ghari intizar kar lun main

sari duniya ko jit lun pal mein

tujh pe gar iftikhar kar lun main

hath hasil se phir milaunga

pahle dariya to par kar lun main

kya mulaqat phir kabhi hogi

ya use yadgar kar lun main