دوست ملتے رہے منزل پہ گزر ہونے تک

دوست ملتے رہے منزل پہ گزر ہونے تک

کوئی ساتھی نہ رہا ختم سفر ہونے تک

یا الٰہی مجھے توفیق عطا کر ایسی

ہر برائی سے بچوں عمر بسر ہونے تک

خاک ہونے سے بچایا نہ کسی کے گھر کو

دیکھتے رہ گئے سب نذر شرر ہونے تک

گڑگڑاؤ کہ خدا رحم پہ مائل ہو جائے

مانگتے جاؤ دعاؤں میں اثر ہونے تک

آنکھ نم ناک دم سرد لبوں پر نازیؔ

کس طرح صبر کروں خون جگر ہونے تک

dost milte rahe manzil pe guzar hone tak

koi sathi na raha khatm-e-safar hone tak

ya ilahi mujhe taufiq ata kar aisi

har burai se bachchon umr basar hone tak

khak hone se bachaya na kisi ke ghar ko

dekhte rah gae sab nazr-e-sharar hone tak

gurgarao ke khuda rahm pe mail ho jae

mangte jao duaon mein asar hone tak

ankh nam nak dam-e-sard labon par nazi

kis tarah sabr karun khun-e-jigar hone tak