میں کر نہ پایا ضبط زبس چیختا رہا

میں کر نہ پایا ضبط زبس چیختا رہا

جب آئی مجھ کو یاد قفس چیختا رہا

آزادیوں کا چرچا سر آسمان تھا

اور ایک پنچھی زیر قفس چیختا رہا

قطرہ بھی تیرے ہونٹوں سے مجھ کو نہیں ملا

میں پیاس پیاس پیاس ہی بس چیختا رہا

ہے عمر میری بیس برس اور اس میں سے

لگ بھگ میں بارہ تیرہ برس چیختا رہا

دہشت میں پڑ گیا ملک الموت دیکھ کر

پھر اس نے کاٹی تار نفس چیختا رہا

فیصل جو پاک صاف تھے آزاد ہو گئے

میں تھا اسیر حرص و ہوس چیختا رہا

main kar na paya zabt zabas chikhta raha

jab ai mujh ko yad qafas chikhta raha

azadiyon ka charcha sar-e-asman tha

aur ek panchhi zer-e-qafas chikhta raha

qatra bhi tere honton se mujh ko nahin mila

main pyas pyas pyas hi bas chikhta raha

hai umr meri bis baras aur is mein se

lag bhag mein bara tira baras chikhta raha

dahshat mein par gaya mulk almut dekh kar

phir us ne kati tar-e-nafas chikhta raha

faisal jo pak saf the azad ho gae

main tha asir-e-hirs-o-hawas chikhta raha