تو نے کبھی بھی آنسو بہا کر نہیں دیکھا

تو نے کبھی بھی آنسو بہا کر نہیں دیکھا

نمناک نگاہوں سے منا کر نہیں دیکھا

غیروں نے کبھی ہاتھ ملا کر نہیں دیکھا

اپنوں نے بھی سینے سے لگا کر نہیں دیکھا

نظروں میں خیالوں میں سمایا تھا بہت وہ

ہر چند اسے دل سے لگا کر نہیں دیکھا

میں جانتا تھا رہتی نہ ہستیٔ سمندر

میں نے دو کناروں کو ملا کر نہیں دیکھا

بچھڑا بھی تو اس ناز سے انداز سے بچھڑا

پھر اس نے کبھی لوٹ کے آ کر نہیں دیکھا

اس نے بھی کبھی پرسش غم کی نہیں فیصلؔ

میں نے بھی کبھی درد سنا کر نہیں دیکھا

tu ne kabhi bhi ansu baha kar nahin dekha

namnak nigahon se mana kar nahin dekha

ghairon ne kabhi hath mila kar nahin dekha

apnon ne bhi sine se laga kar nahin dekha

nazron mein khayalon mein samaya tha bahut wo

har chand use dil se laga kar nahin dekha

main janta tha rahti na hasti-e-samundar

main ne do kinaron ko mila kar nahin dekha

bichhra bhi to is naz se andaz se bichhra

phir us ne kabhi laut ke a kar nahin dekha

us ne bhi kabhi pursish-e-gham ki nahin faisal

main ne bhi kabhi dard suna kar nahin dekha