کہاں لے آئے مجھ کو میں کہاں تھا

کہاں لے آئے مجھ کو میں کہاں تھا

کسی مفلس کا شاید آشیاں تھا

نہیں پہچان پایا اہل دل کو

مبصر کی نظر میں کچھ دھواں تھا

نشاں الفت کا واحد تاج ہی ہے

گزشتہ دور میں اک شہ جہاں تھا

ترا عاشق ترا بالم تھا گھائل

تری آنکھوں میں ہی تیر و کماں تھا

صنم خانوں میں جلوے عشق کے تھے

بتوں کو تیرے آنے کا گماں تھا

kahan le ae mujh ko main kahan tha

kisi muflis ka shayad ashiyan tha

nahin pahchan paya ahl-e-dil ko

mubassir ki nazar mein kuchh dhuan tha

nishan ulfat ka wahid taj hi hai

guzishta daur mein ik shah jahan tha

tira ashiq tira balam tha ghayal

tiri ankhon mein hi tir-o-kaman tha

sanam khanon mein jalwe ishq ke the

buton ko tere ane ka guman tha