آ کے محفل میں تری غم سے کنارا نہ ہوا

آ کے محفل میں تری غم سے کنارا نہ ہوا

مجھ سا دنیا میں کوئی درد کا مارا نہ ہوا

آخر اشکوں نے ہی سب حال دل زار کہا

کچھ زباں سے مری اظہار کا یارا نہ ہوا

یہ کہا تھا کہ مرے گھر میں وہ آئیں یک دن

آ گئے طیش میں شاید یہ گوارا نہ ہوا

کس طرح میرے مقدر کا ستارا چمکے

ان کی جانب سے کوئی ایسا اشارا نہ ہوا

ڈر سے توہین محبت کے میں خاموش رہا

نام پھر لے کے پکاروں یہ گوارا نہ ہوا

درد و غم جور و ستم آہ و فغاں رنج و ملال

یہ تو سب مل گئے نازیؔ وہ ہمارا نہ ہوا

a ke mahfil mein tiri gham se kinara na hua

mujh sa duniya mein koi dard ka mara na hua

akhir ashkon ne hi sab hal-e-dil-e-zar kaha

kuchh zaban se miri izhar ka yara na hua

ye kaha tha ke mire ghar mein wo aen yak din

a gae taish mein shayad ye gawara na hua

kis tarah mere muqaddar ka sitara chamke

un ki janib se koi aisa ishara na hua

dar se tauhin mohabbat ke main khamosh raha

nam phir le ke pukarun ye gawara na hua

dard-o-gham jaur-o-sitam ah-o-fughan ranj-o-malal

ye to sab mil gae nazi wo hamara na hua