Arooz is now on the App Store, for iPhone and iPad. Download →

All poetry

دنیا کے امتحان میں کیا کیا صلہ ملا

Faisal Imtiyaz Khan (b. 2001)

دنیا کے امتحان میں کیا کیا صلہ ملا

لمحہ بہ لمحہ ایک نیا حادثہ ملا

خود بین و خود شناس ہے وہ اس لیے مجھے

وہ شخص جب کبھی ملا غم آشنا ملا

لہروں کے سوا کچھ بھی نہ تھا دور دور تک

طوفاں میں کنارہ تو نہیں ہاں خدا ملا

میں کیا بتاؤں کتنے تعجب کی بات تھی

جب بے وفا میں مجھ کو نشان وفا ملا

فیصلؔ فریبی یاروں کی ہونے لگی ہے ضد

دل کے قریب جو بھی تھا وہ خود نما ملا