میں نے دنیا میں فقط دیکھے ہیں جانے والے

میں نے دنیا میں فقط دیکھے ہیں جانے والے

میں نے دیکھے ہی نہیں ہیں کبھی آنے والے

روتے روتے مرے دل سے جو صدا آتی ہے

رونے لگ جاتے ہیں پھر مجھ کو منانے والے

جب کوئی چھوڑ کے جاتا ہے تو دل کہتا ہے

کیا کبھی لوٹ کے آتے ہیں یہ جانے والے

ہم جو بے گھر ہیں ہمیں خوب سمجھ آتا ہے

کس نظر سے ہمیں تکتے ہیں ٹھکانے والے

باقی رہتا نہیں ہے کچھ بھی سوائے غم کے

راکھ تک لوٹ کے لیتے ہیں جلانے والے

روز و شب مار دیا جاتا ہے فیصلؔ ہم کو

چین سے جینے نہیں دیتے زمانے والے

main ne duniya mein faqat dekhe hain jane wale

main ne dekhe hi nahin hain kabhi ane wale

rote rote mire dil se jo sada ati hai

rone lag jate hain phir mujh ko manane wale

jab koi chhor ke jata hai to dil kahta hai

kya kabhi laut ke ate hain ye jane wale

ham jo be ghar hain hamen khub samajh ata hai

kis nazar se hamen takte hain thikane wale

baqi rahta nahin hai kuchh bhi siwae gham ke

rakh tak laut ke lete hain jalane wale

roz-o-shab mar diya jata hai faisal ham ko

chain se jine nahin dete zamane wale