بندوں کا مزاج ہم نے دیکھا

بندوں کا مزاج ہم نے دیکھا

کیا کچھ نہیں آج ہم نے دیکھا

ہلتے ہوئے تخت کو سنبھالو

گرتا ہوا تاج ہم نے دیکھا

جیتے تو خوشی سے مر نہ جاتے

کس شخص کا راج ہم نے دیکھا

کیا کیا نہ ترس ترس گئے ہم

کیا کیا نہ سماج ہم نے دیکھا

روئے ہیں تو لوگ رو پڑے ہیں

اب کے تو رواج ہم نے دیکھا

گوہرؔ کو سلام شوق پہنچے

کچھ کام نہ کاج ہم نے دیکھا

bandon ka mizaj ham ne dekha

kya kuchh nahin aj ham ne dekha

hilte hue takht ko sambhalo

girta hua taj ham ne dekha

jite to khushi se mar na jate

kis shakhs ka raj ham ne dekha

kya kya na taras taras gae ham

kya kya na samaj ham ne dekha

roe hain to log ro pare hain

ab ke to riwaj ham ne dekha

gauhar ko salam-e-shauq pahunche

kuchh kam na kaj ham ne dekha