شاعری بات نہیں گرم سخن ہونے کی

شاعری بات نہیں گرم سخن ہونے کی

شرط ہی اور ہے شائستۂ فن ہونے کی

میں کہ ہر دم مجھے بالیدگیٔ روح کی فکر

روح کو فکر ہے وارستۂ تن ہونے کی

رم بہ رم سلسلۂ موج غزالان خیال

دشت غربت کو بشارت ہو وطن ہونے کی

پرتو رنگ سے گلگوں ہوا معمورۂ چشم

دھوم ہے کوئے تماشا کے چمن ہونے کی

حق پرستی کو یہاں کون ہے آمادۂ دار

کس کو توفیق ہے بے گور و کفن ہونے کی

یا بچے گا نہ سحر تک کوئی درماندۂ شب

یا سحر ہی نہیں خاکم بدہن ہونے کی

درد کی سالگرہ خیر سے گزرے گوہرؔ

آ گئی رات وہی چاند گہن ہونے کی

shayari bat nahin garm-e-sukhan hone ki

shart hi aur hai shaista-e-fan hone ki

main ke har dam mujhe balidagi-e-ruh ki fikr

ruh ko fikr hai warasta-e-tan hone ki

ram ba ram silsila-e-mauj ghazalan-e-khayal

dasht-e-ghurbat ko basharat ho watan hone ki

partau rang se gulgun hua mamura-e-chashm

dhum hai ku-e-tamasha ke chaman hone ki

haq parasti ko yahan kaun hai amada-e-dar

kis ko taufiq hai be gor-o-kafan hone ki

ya bachchega na sahar tak koi darmanda-e-shab

ya sahar hi nahin khakam-e-badhan hone ki

dard ki salgira khair se guzre gauhar

a gai rat wahi chand gahan hone ki