جاتی رت سے پیار کرو گے

جاتی رت سے پیار کرو گے

کر لو بات ادھار کرو گے

تب مل کر احسان کیا تھا

اب مل کر ایثار کرو گے

جتنے خواب اتنی تعبیریں

کتنے داغ شمار کرو گے

اے انکار کے خوگر لوگو

اور بھی کوئی وار کرو گے

اس کے نام کو ناؤ بنا کر

پیاسوں کو سرشار کرو گے

فرض کرو ہم مر نہ سکے تو

جینے سے انکار کرو گے

فرض کرو ہم ہار گئے تو

قبر کہاں تیار کرو گے

jati rut se pyar karoge

kar lo bat udhar karoge

tab mil kar ehsan kya tha

ab mil kar isar karoge

jitne khwab itni taabiren

kitne dagh shumar karoge

ai inkar ke khugar logo

aur bhi koi war karoge

us ke nam ko nao bana kar

pyason ko sarshar karoge

farz karo ham mar na sake to

jine se inkar karoge

farz karo ham har gae to

qabr kahan tayyar karoge