خبر بھی ہے محبت کے پرستاروں پہ کیا گزری

خبر بھی ہے محبت کے پرستاروں پہ کیا گزری

کوئی ہے پوچھنے والا کہ بیماروں پہ کیا گزری

عیادت سے وہ جب پلٹیں تو ان سے پوچھ لے کوئی

وہ کہہ دیں گے بخوبی دل کے بیماروں پہ کیا گزری

دل یوسف سے کیا پوچھے زلیخا سے ذرا کوئی

خریداروں پہ کیا گزری ہے بازاروں پہ کیا گزری

سمجھ ہی میں نہیں آتا کہ ہے یہ راز الفت کیا

بچے کیوں کر خلیل اللہ انگاروں پہ کیا گزری

نہ پوچھو جلوہ فرما جب ہوئے وہ ناز و شوخی سے

ہوا کیا حال دیوانوں کا ہشیاروں پہ کیا گزری

تم اٹھ کر کیا گئے محفل سے اک محشر ہوا برپا

تمہیں معلوم ہی کیا ہے پرستاروں پہ کیا گزری

ہوا شاگرد جب میں حضرت محوی کا اے نازیؔ

تجھے کچھ علم ہے سن کر خبر یاروں پہ کیا گزری

khabar bhi hai mohabbat ke parastaron pe kya guzri

koi hai puchhne wala ke bimaron pe kya guzri

ayadat se wo jab palten to un se puchh le koi

wo kah denge bakhubi dil ke bimaron pe kya guzri

dil-e-yusuf se kya puchhe zulekha se zara koi

kharidaron pe kya guzri hai bazaron pe kya guzri

samajh hi mein nahin ata ke hai ye raz-e-ulfat kya

bachche kyun kar khalil allah angaron pe kya guzri

na puchho jalwa farma jab hue wo naz-o-shokhi se

hua kya hal diwanon ka hushyaron pe kya guzri

tum uth kar kya gae mahfil se ik mahshar hua barpa

tumhen maalum hi kya hai parastaron pe kya guzri

hawa shagird jab main hazrat mahwi ka ai nazi

tujhe kuchh ilm hai sun kar khabar yaron pe kya guzri