اک سایۂ شام یاد آیا

اک سایۂ شام یاد آیا

خوشبو کا خرام یاد آیا

دھویا ہوا سات پانیوں میں

کیا نام تھا نام یاد آیا

لہجے میں شگفتگی گلوں کی

اک شستہ کلام یاد آیا

اچھا ہوا گور تک تو پہنچے

یاروں کو سلام یاد آیا

اے موجۂ باد کیا ہوا ہے

کیا تازہ پیام یاد آیا

کچھ اور زمیں میں گڑ گئے ہم

جب اپنا مقام یاد آیا

مقتل سے مڑ آئے گھر کو گوہرؔ

شاید کوئی کام یاد آیا

ik saya-e-sham yad aya

khushbu ka khiram yad aya

dhoya hua sat paniyon mein

kya nam tha nam yad aya

lahje mein shaguftagi gulon ki

ik shusta kalam yad aya

achchha hua gor tak to pahunche

yaron ko salam yad aya

ai mauja-e-bad kya hua hai

kya taza payam yad aya

kuchh aur zamin mein gur gae ham

jab apna maqam yad aya

maqtal se mur ae ghar ko gauhar

shayad koi kam yad aya