ہاتھ میں اپنے حفاظت کا عصا لے جانا

ہاتھ میں اپنے حفاظت کا عصا لے جانا

گھر سے جانا تو بزرگوں کی دعا لے جانا

بات جب ترک تعلق ہی پہ آ پہنچی ہے

اپنے خط بھی مرے کمرے سے اٹھا لے جانا

جیب خالی ہے مگر دل میں بڑی وسعت ہے

تم مرے گاؤں کے لوگوں سے وفا لے جانا

تیرے ہاتھوں میں ہے پتوار مری کشتی کی

تو جدھر چاہے اسی سمت بہا لے جانا

مجھ سے ملنے کے لئے وہ بھی تڑپتا ہوگا

میرے خوابو مجھے ہاتھوں پہ اٹھا لے جانا

پگڑیاں روز اچھلتی ہوں جہاں پر اعجازؔ

ہم نے سیکھا وہاں عزت کو بچا لے جانا

hath main apne hifazat ka asa le jana

ghar se jana to buzurgon ki dua le jana

bat jab tark-e-taalluq hi pe a pahunchi hai

apne khat bhi mire kamre se utha le jana

jeb-e-khali hai magar dil mein bari wusat hai

tum mire gaon ke logon se wafa le jana

tere hathon mein hai patwar miri kashti ki

tu jidhar chahe usi samt baha le jana

mujh se milne ke liye wo bhi tarapta hoga

mere khwabo mujhe hathon pe utha le jana

pagriyan roz uchhalti hun jahan par ejaz

ham ne sikha wahan izzat ko bacha le jana