تمام شہر کو حیران کرنے والا ہوں

تمام شہر کو حیران کرنے والا ہوں

میں اپنی موت کا اعلان کرنے والا ہوں

میں جانتا ہوں کہ ہے فائدہ انہیں مجھ سے

وہ سوچتے ہیں کہ نقصان کرنے والا ہوں

ارادہ کر لیا اب تجھ کو بھول جانے کا

میں خود کو بے سر و سامان کرنے والا ہوں

سجا رہا ہوں وفاؤں سے دامن قرطاس

اور اس کے پیار کو عنوان کرنے والا ہوں

کسی سفر میں مجھے ہم سفر بنا اعجازؔ

میں تیری راہ کو آسان کرنے والا ہوں

tamam shahr ko hairan karne wala hun

main apni maut ka elan karne wala hun

main janta hun ke hai faida unhen mujh se

wo sochte hain ke nuqsan karne wala hun

irada kar liya ab tujh ko bhul jane ka

main khud ko be sar-o-saman karne wala hun

saja raha hun wafaon se daman-e-qirtas

aur us ke pyar ko unwan karne wala hun

kisi safar mein mujhe ham safar bana ejaz

main teri rah ko asan karne wala hun