Arooz is now on the App Store, for iPhone and iPad. Download →

All poetry

زندگی اک سزا لگے ہے مجھے

Ejaz Ansari (b. 1955)

زندگی اک سزا لگے ہے مجھے

جب سے تو بے وفا لگے ہے مجھے

تجھ میں خود کو تلاش کرتا ہوں

تو مرا آئینہ لگے ہے مجھے

ناصح کم نگاہ کا کردار

عشق میں اب برا لگے ہے مجھے

اپنی آواز سے بھی ڈرتا ہوں

ساز دل بھی سزا لگے ہے مجھے

انتہا ہے یہ بد نصیبی کی

ہر دعا بد دعا لگے ہے مجھے

عاشقی جرم تو نہیں اعجازؔ

کس لئے پھر خطا لگے ہے مجھے