غم حیات کا منظر بدلنے والا ہے

غم حیات کا منظر بدلنے والا ہے

خوشی مناؤ کہ سورج نکلنے والا ہے

وہ شخص جس نے ہمیشہ خلوص بانٹا تھا

ذرا سی بات پہ تیور بدلنے والا ہے

غرور ہونے لگا اس کو اپنی شہرت پر

یہ اژدہا اسے زندہ نگلنے والا ہے

سنبھالو اپنے سفینے خود اپنے ہاتھوں میں

سنا ہے آج سمندر مچلنے والا ہے

وقار علم و ہنر کم نہ ہو کہیں اعجازؔ

یہی چراغ ہواؤں میں جلنے والا ہے

gham-e-hayat ka manzar badalne wala hai

khushi manao ke suraj nikalne wala hai

wo shakhs jis ne hamesha khulus banta tha

zara si bat pe tewar badalne wala hai

ghurur hone laga us ko apni shohrat par

ye azhdaha use zinda nigalne wala hai

sambhalo apne safine khud apne hathon mein

suna hai aj samundar machalne wala hai

waqar-e-ilm-o-hunar kam na ho kahin ejaz

yahi charagh hawaon mein jalne wala hai