راستہ بے زباں بے صدا بھی نہیں

راستہ بے زباں بے صدا بھی نہیں

کوئی مڑ کر مگر دیکھتا بھی نہیں

میرے لہجے سے نا آشنا بھی نہیں

کوئی دروازہ لیکن کھلا بھی نہیں

عمر بھر ہم بھٹکتے رہے در بدر

کوئی منزل کوئی راستہ بھی نہیں

سر جھکا کر ملے دوستوں سے مگر

قد ہمارا کسی سے گھٹا بھی نہیں

خود کی نظروں میں گر کر پتہ یہ چلا

اس سے بڑھ کر تو کوئی سزا بھی نہیں

اے فلک تو ہمارا نگہبان ہے

ان فسادوں میں اب کچھ بچا بھی نہیں

انکساری سے ملتے ہیں اعجازؔ ہم

ورنہ ہم سے تو کوئی بڑا بھی نہیں

rasta be zaban be sada bhi nahin

koi mur kar magar dekhta bhi nahin

mere lahje se na ashna bhi nahin

koi darwaza lekin khula bhi nahin

umr bhar ham bhatakte rahe dar badar

koi manzil koi rasta bhi nahin

sar jhuka kar mile doston se magar

qad hamara kisi se ghata bhi nahin

khud ki nazron mein gir kar pata ye chala

is se barh kar to koi saza bhi nahin

ai falak to hamara nigahban hai

in fasadon mein ab kuchh bacha bhi nahin

inkisari se milte hain ejaz ham

warna ham se to koi bara bhi nahin