ہیرا ہے کہ شیشے کا جگر کاٹ رہا ہے

ہیرا ہے کہ شیشے کا جگر کاٹ رہا ہے

بیٹے کی پڑھائی پہ کیا جس نے بہت خرچ

بیٹا اب اسی باپ کا سر کاٹ رہا ہے

حیرت ہے کہ اڑنا ابھی سیکھا نہیں جس نے

وہ بھی مرے بازو مرے پر کاٹ رہا ہے

دیکھوں تری جانب تو لرزتی ہیں نگاہیں

وحشت مجھے اتنی ہے کہ گھر کاٹ رہا ہے

وہ مجھ سے مخاطب ہے اس انداز میں اعجازؔ

جیسے کسی جادو کا اثر کاٹ رہا ہے

hira hai ke shishe ka jigar kat raha hai

bete ki parhai pe kiya jis ne bahut kharch

beta ab isi bap ka sar kat raha hai

hairat hai ke urna abhi sikha nahin jis ne

wo bhi mire bazu mire par kat raha hai

dekhun tiri janib to larazti hain nigahen

wahshat mujhe itni hai ke ghar kat raha hai

wo mujh se mukhatib hai is andaz mein ejaz

jaise kisi jadu ka asar kat raha hai