ہم نے کبھی سوچا ہی نہیں تھا ایسا عمل اغیار کریں گے

ہم نے کبھی سوچا ہی نہیں تھا ایسا عمل اغیار کریں گے

جینا بھی دشوار کریں گے مرنا بھی دشوار کریں گے

ایسی توقع ان سے کب تھی ایسا کب سوچا تھا ہم نے

ہم کو ہی رکھیں گے پیاسا اوروں کو سرشار کریں گے

اپنے دل کی تم سے کہہ کر من کو ہلکا کر لیتے ہیں

تم نہ سنو گے بات ہماری ہم کس سے اظہار کریں گے

عزم مصمم لے کر دل میں آج یہ ہم نے عہد کیا ہے

غفلت میں جو خوابیدہ ہیں ہم ان کو بیدار کریں گے

فکر نشیمن ہم نہیں کرتے ہم کرتے ہیں فکر گلستاں

سب کے دکھ میں کام آئیں گے سب کی نیا پار کریں گے

اس دنیا کو چھوڑ کے اک دن آگے پیچھے جانا ہوگا

رہ کے کیا مجبور کریں گے رہ کے کیا مختار کریں گے

بخشی ہے اللہ نے ہم کو علم کی دولت قوت ایماں

دیکھنا اک دن حق کی خاطر ہم باطل پر وار کریں گے

آپ سے ہے حد درجہ محبت آپ کے ہم ہیں آپ ہمارے

آپ کا ذکر خیر ہمیشہ ایک نہیں سو بار کریں گے

حال میں دکھ ہے یاسؔ اگرچہ مستقبل میں خوشیاں ہوں گی

وہ دیتے ہیں غم دینے دو ہم بھی غم سے پیار کریں گے

ham ne kabhi socha hi nahin tha aisa amal aghyar karenge

jina bhi dushwar karenge marna bhi dushwar karenge

aisi tawaqqo un se kab thi aisa kab socha tha ham ne

ham ko hi rakhenge pyasa auron ko sarshar karenge

apne dil ki tum se kah kar man ko halka kar lete hain

tum na sunoge bat hamari ham kis se izhar karenge

azm-e-musammam le kar dil mein aj ye ham ne ahd kya hai

ghaflat mein jo khwabida hain ham un ko bedar karenge

fikr nasheman ham nahin karte ham karte hain fikr-e-gulistan

sab ke dukh mein kam aenge sab ki naya par karenge

is duniya ko chhor ke ik din age pichhe jana hoga

rah ke kya majbur karenge rah ke kya mukhtar karenge

bakhshi hai allah ne ham ko alam ki daulat quwwat iman

dekhna ik din haq ki khatir ham batil par war karenge

ap se hai had darja mohabbat ap ke ham hain ap hamare

ap ka zikr-e-khair hamesha ek nahin sau bar karenge

hal mein dukh hai yas agarche mustaqbil mein khushiyan hongi

wo dete hain gham dene do ham bhi gham se pyar karenge