صداقتوں کے پیمبر گئے رسول گئے

صداقتوں کے پیمبر گئے رسول گئے

خودی کی حرمت افضل گئی اصول گئے

جو بو الہوس تھے سر عام دندناتے رہے

جو حق پرست تھے سب پھانسیوں پہ جھول گئے

گلا فقط ہے یہ زاہد کی پارسائی سے

ذرا سا وقت پڑا ان کے سب اصول گئے

خضر سے ہم بھی ملا کر قدم چلے تھے مگر

مسافتوں کی طوالت سے سانس پھول گئے

تمہارے جانے سے ہر اک کلی کا رنگ اڑا

چمن سے فصل بہاراں گئی تو پھول گئے

رہ حیات میں لاکھوں تھے ہم سفر اعجازؔ

کسی کو یاد رکھا اور کسی کو بھول گئے

sadaqaton ke payambar gae rasul gae

khudi ki hurmat afzal gai usul gae

jo bu alhawas the sar-e-am dandanate rahe

jo haq parast the sab phansiyon pe jhul gae

gila faqat hai ye zahid ki parsai se

zara sa waqt para un ke sab usul gae

khizar se ham bhi mila kar qadam chale the magar

masafaton ki tawalat se sans phul gae

tumhare jane se har ik kali ka rang ura

chaman se fasl-e-baharan gai to phul gae

rah-e-hayat mein lakhon the ham safar ejaz

kisi ko yad rakha aur kisi ko bhul gae