چلے تھے گھر سے تو ہم درد کی دوا کے لئے

چلے تھے گھر سے تو ہم درد کی دوا کے لئے

پڑے ہیں رستے میں تیرے مگر دعا کے لئے

مبادا شب کی سیاہی زمیں کو کھا جائے

نقاب رخ سے اٹھا دو ذرا خدا کے لئے

کوئی چراغ تو آندھی سے بچ کے نکلے گا

جلا دیئے ہیں بہت سے دیئے ہوا کے لئے

یہاں تو روز نئی آفتوں سے پالا ہے

حسینؔ کتنے اب آئیں گے کربلا کے لئے

وہ جس نے طور پہ موسیٰ کو بے قرار کیا

تڑپ رہی ہے نظر پھر اسی ادا کے لئے

زمیں کا سینہ تو شعلوں کی مثل جلتا رہا

ترس کے چل دیئے اعجازؔ اک گھٹا کے لئے

chale the ghar se to ham dard ki dawa ke liye

pare hain raste mein tere magar dua ke liye

mabada shab ki siyahi zamin ko kha jae

naqab-e-rukh se utha do zara khuda ke liye

koi charagh to andhi se bach ke niklega

jala diye hain bahut se diye hawa ke liye

yahan to roz nai afaton se pala hai

hasin kitne ab aenge karbala ke liye

wo jis ne tur pe musa ko be qarar kiya

tarap rahi hai nazar phir isi ada ke liye

zamin ka sina to sholon ki misl jalta raha

taras ke chal diye ejaz ik ghata ke liye