سوال تجھ سے شب و روز میرا چلتا رہا

سوال تجھ سے شب و روز میرا چلتا رہا

جواب تیرا ہواؤں میں مجھ کو ملتا رہا

فلک پہ چاند ستاروں کا کارواں بھی بجھا

تمہاری یاد کا لیکن چراغ جلتا رہا

قریب مرگ جو دیکھا تو پاس کوئی نہ تھا

تمام عمر یہ پھر کون ساتھ چلتا رہا

بلا کے حبس میں ساری زمین سوکھ گئی

مگر یہ پیار کا پودا تھا پھر بھی پھلتا رہا

میں بے وفا بھی کہوں کس طرح تجھے جاناں

تو بن کے باد صبا روز مجھ سے ملتا رہا

میں اعتبار محبت کا تیری کیا کرتا

بیان تیرا تو ہر روز ہی بدلتا رہا

رفو میں کرتا بھی اعجازؔ کیسے زخموں کو

زباں کا زخم تھا یہ گفتگو سے سلتا رہا

sawal tujh se shab-o-roz mera chalta raha

jawab tera hawaon mein mujh ko milta raha

falak pe chand sitaron ka karwan bhi bujha

tumhari yad ka lekin charagh jalta raha

qarib-e-marg jo dekha to pas koi na tha

tamam umr ye phir kaun sath chalta raha

bala ke habs mein sari zamin sukh gai

magar ye pyar ka pauda tha phir bhi phalta raha

main be wafa bhi kahun kis tarah tujhe janan

tu ban ke bad-e-saba roz mujh se milta raha

main etibar mohabbat ka teri kya karta

bayan tera to har roz hi badalta raha

rafu mein karta bhi ejaz kaise zakhmon ko

zaban ka zakhm tha ye guftugu se silta raha