جب پر پرواز میرا آسماں میں آ گیا

جب پر پرواز میرا آسماں میں آ گیا

اک پرندہ بھی صف سیارگاں میں آ گیا

میں پس پردہ کوئی گمنام سا کردار تھا

ذکر میرا کیسے تیری داستاں میں آ گیا

یہ ضروری تو نہیں ہجرت پرندے ہی کریں

دھوپ جس کو بھی لگی وہ سائباں میں آ گیا

آسماں پر اک دئے کی لو اچھالی تھی فقط

لوٹ کر سارا اجالا خاکداں میں آ گیا

جب مری عمر رواں انگلی پکڑ کر چل پڑی

دیکھ میں پھر سے ترے وہم و گماں میں آ گیا

میں نے چکھی تھی کسی کے نرم لہجے کی مٹھاس

کیا بتاؤں ذائقہ کیسا زباں میں آ گیا

ایک صحرا چل پڑا احسانؔ میرے ساتھ کیا

وہ بھی میرے حلقۂ آوارگاں میں آ گیا

jab par-e-parwaz mera asman mein a gaya

ik parinda bhi saf sayyargan mein a gaya

main pas-e-parda koi gumnam sa kirdar tha

zikr mera kaise teri dastan mein a gaya

ye zaruri to nahin hijrat parinde hi karen

dhup jis ko bhi lagi wo saiban mein a gaya

asman par ik diye ki lau uchhali thi faqat

laut kar sara ujala khakdan mein a gaya

jab miri umr-e-rawan ungli pakar kar chal pari

dekh main phir se tire wahm-o-guman mein a gaya

main ne chakhi thi kisi ke narm lahje ki mithas

kya bataun zaiqa kaisa zaban mein a gaya

ek sahra chal para ehsan mere sath kya

wo bhi mere halqa-e-awargan mein a gaya