میں حیران تھا منظر کی حیرانی پر

میں حیران تھا منظر کی حیرانی پر

پھول کھلے تھے بہتے ہوئے جب پانی پر

میرے کپڑے دیکھ کے مٹی بول پڑی

گھاس اگاؤ میری بھی عریانی پر

میں نے تیرا نام لکھا جب تاروں پر

چاند ہنسا تھا میری اس نادانی پر

یاد کرو جس رات اکٹھے بیٹھے تھے

گھنٹوں بات چلی تھی رات کی رانی پر

دیکھے ہیں کچھ دیکھے بھالے لوگ یہاں

کس نے گھر آباد کیا ویرانی پر

میں نے اک سجدے میں رات گزاری ہے

یوں ہی نہیں یہ چاند بنا پیشانی پر

main hairan tha manzar ki hairani par

phul khule the bahte hue jab pani par

mere kapre dekh ke mitti bol pari

ghas ugao meri bhi uryani par

main ne tera nam likha jab taron par

chand hansa tha meri is nadani par

yad karo jis rat ikatthe baithe the

ghanton bat chali thi rat ki rani par

dekhe hain kuchh dekhe bhale log yahan

kis ne ghar abad kya wirani par

main ne ik sajde mein rat guzari hai

yun hi nahin ye chand bana peshani par