یہ جو ہم صورت اشجار میں اگ آتے ہیں

یہ جو ہم صورت اشجار میں اگ آتے ہیں

تم سمجھتے ہو کہ بیکار میں اگ آتے ہیں

ہم نہیں دیکھتے زرخیز زمینوں کی طرف

ہم وہ پودے ہیں جو دیوار میں اگ آتے ہیں

جتنی رفتار سے تم کاٹتے جاتے ہو ہمیں

پھر سے ہم اتنی ہی مقدار میں اگ آتے ہیں

جن کو گلدان میں رکھنا نہیں آیا ہے ہمیں

پھول وہ وحشت کہسار میں اگ آتے ہیں

سب کو سرداری بزرگی سے نہیں ملتی ہے

ایسے سر بھی ہیں جو دستار میں اگ آتے ہیں

اپنے اوصاف نہیں بھولتے احسانؔ کبھی

بیج پھل پھول جو اشجار میں اگ آتے ہیں

ye jo ham surat-e-ashjar mein ug ate hain

tum samajhte ho ke bekar mein ug ate hain

ham nahin dekhte zarkhez zaminon ki taraf

ham wo paude hain jo diwar mein ug ate hain

jitni raftar se tum katte jate ho hamen

phir se ham itni hi miqdar mein ug ate hain

jin ko guldan mein rakhna nahin aya hai hamen

phul wo wahshat-e-kohsar mein ug ate hain

sab ko sardari buzurgi se nahin milti hai

aise sar bhi hain jo dastar mein ug ate hain

apne ausaf nahin bhulte ehsan kabhi

bij phal phul jo ashjar mein ug ate hain