آنا جانا ہے تو قامت سے تم آؤ جاؤ

آنا جانا ہے تو قامت سے تم آؤ جاؤ

در اظہار مروت سے تم آؤ جاؤ

وہ تحیر جو تمہیں لے کے یہاں آیا تھا

اس تحیر کی وساطت سے تم آؤ جاؤ

ہم کسی سمت بگولوں کو نہیں روکتے ہیں

گرمی ذوق شرارت سے تم آؤ جاؤ

کف اڑانے پہ بھی پابندی نہیں ہے کوئی

ہاں مگر تھوڑی نفاست سے تم آؤ جاؤ

ہمیں امید بلاغت تو نہیں ہے تم سے

بس ذرا تھوڑی بلوغت سے تم آؤ جاؤ

کس نے روکا ہے سر راہ محبت تم کو

تمہیں نفرت ہے تو نفرت سے تم آؤ جاؤ

تم کہ طفلان ادب ساتھ لگائے ہوئے ہو

کسی منقول شریعت سے تم آؤ جاؤ

ہم نے اشعار کا دروازہ کھلا رکھا ہے

جب بھی جی چاہے سہولت سے تم آؤ جاؤ

ana jana hai to qamat se tum ao jao

dar izhar-e-murawwat se tum ao jao

wo tahayyur jo tumhen le ke yahan aya tha

is tahayyur ki wasatat se tum ao jao

ham kisi samt bagulon ko nahin rokte hain

garmi-e-zauq-e-shararat se tum ao jao

kaf urane pe bhi pabandi nahin hai koi

han magar thori nafasat se tum ao jao

hamen ummid balaghat to nahin hai tum se

bas zara thori bulughat se tum ao jao

kis ne roka hai sar-e-rah-e-mohabbat tum ko

tumhen nafrat hai to nafrat se tum ao jao

tum ke tiflan-e-adab sath lagae hue ho

kisi manqul shariat se tum ao jao

ham ne ashar ka darwaza khula rakha hai

jab bhi ji chahe suhulat se tum ao jao