سمجھ سکتے نہیں جو تیرے ماتھے کی شکن ساقی

سمجھ سکتے نہیں جو تیرے ماتھے کی شکن ساقی

وہ کیا جانیں کہ ہے بادہ کشی بھی ایک فن ساقی

نکال ان کو سبو و جام میں جو فرق کرتے ہیں

تمیز بیش و کم ہے عقل کا دیوانہ پن ساقی

تکلف بر طرف ہم شوق کی مستی سے ڈرتے ہیں

یہی ہے راہبر ساقی یہی ہے راہزن ساقی

نظر آتی ہے ساری کائنات مے کدہ روشن

یہ کس کے ساغر رنگیں سے پھوٹی ہے کرن ساقی

حقیقت ایک ہے سب کی وہ معبد ہو کہ مے خانہ

بناتی آ رہی ہیں منزلیں میری تھکن ساقی

اٹھا لے جام و مینا ختم کر یہ دور مے نوشی

کہ یاد آتے ہیں مجھ کو تشنہ کامان وطن ساقی

پس خم بیٹھ کر احسانؔ کو کچھ سوچ لینے دے

چھڑا ہے میکدے میں قصۂ دار و رسن ساقی

samajh sakte nahin jo tere mathe ki shikan saqi

wo kya janen ke hai bada kashi bhi ek fan saqi

nikal un ko subu-o-jam mein jo farq karte hain

tamiz-e-besh-o-kam hai aql ka diwana pan saqi

takalluf bar taraf ham shauq ki masti se darte hain

yahi hai rahbar saqi yahi hai rahzan saqi

nazar ati hai sari kainat-e-mai kada raushan

ye kis ke saghar-e-rangin se phuti hai kiran saqi

haqiqat ek hai sab ki wo maabad ho ke mai khana

banati a rahi hain manzilen meri thakan saqi

utha le jam-o-mina khatm kar ye daur-e-mai noshi

ke yad ate hain mujh ko tishna kaman-e-watan saqi

pas kham baith kar ehsan ko kuchh soch lene de

chhura hai maikade mein qissa-e-dar-o-rasan saqi